VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

I N D E P E N D E N S I A
28 Novembru 1975 - Declaração Unilateral da Independência de Timor-Leste, proclamada pela FRETILIN em 28 de Novembro de 1975
TIMOR-LESTE


Interview with
Fernando Lasama de Araujo: On the road to democracy, where the streets have no name

 
 
   

quarta-feira, 22 de novembro de 2017

La iha dalan ba OMP/AMP atu forma Governo tanba tempo liu ona

Cimeira MARXAMOR hodi apresenta alternativa AMP ba PR (Media Nacional, 21/11/2017), foto (Bloku AMP pagina Facebook)! 
Dili. Tuir lideransa nasional sira husi Partido OMP (Oposisaun Maioria Parlamentar) ne'ebe foin dadaun ne'e halo cimeria alto nivel iha Singapore, konforme publikasaun média nasional sira (21/11/2017), "OMP pronto apresenta alternativa ba Governo no husu Presidente República (PR) kumpri C-RDTL (GMN TV, 21/11/2017)".

Hatan ba Lideransa OMP nian sira, Venceslau Aleixo Tilman haktuir katak, "la iha dalan ba OMP atu forma Governo tanba tempo kaduka ona".

Argumenta tan Venceslau Aleixo Tilman, "hare husi kestaun tempo, se koligasaun Fretilin/PD la konsegue forma Governo iha dia 22 de Setembro tinan 2017 nudar data limite, iha ne´e mak OMP bele apresenta alternativa ba forma Governo", defende dosente UNPAZ ne'e.

Hatutan Venceslau Aleixo Tilman, "OMP rasik la preparadu no wainhira Governo forma ona mak foin luv-lavu tun sae, hodi forma OMP/AMP maibe hodi hamonu Governo Constitucional dahitu (VII) liu husi mosaun rejeisaun ba Programa VII Governo Constitucional iha loron 19.10.2017". 

"Antes ne'e lideransa OMP/AMP sira mos la hamutuk ida, hafuhu malu hela, Presidente CNRT Kay Rala Xanana Gusmão, dehan ba Sekretariu Jeral Fretilin Dr. Mari Alkatiri katak forma deit ho Partido Democratico (PD) konta ho apoio husi CNRT iha Parlamento ka liu husi akordu insidensia parlamentar, parte ida. Parte seluk, Presidente CNRT rasik husik PLP iha oposisaun, ikus mai dada tama ba OMP/AMP". 

Estrategia sira OMP/AMP nian ikus-ikus oinsa mak hamonu Governo iha fulan Novembro-Dezembro 2017, atu nune labele atinji fulan nem (6) neébe prazu ba Presidente Republica (PR) disolve Parlamento Nacional (PN) no konvoka Eleisaun Antecipada(EA). Ovensiva OMP/AMP nian mak liu husi: Mosaun censura hasoru VII Governo Constitucional no rekursu kontra Presidente Parlamento Nacional (PPN). 

Pe. Julio Crispin: Mosaun Censura, quandu Governo la halao knar tuir Programa

Pe. Julio Crispin ható hela ninia análise iha  GMN TV, Quarta-feira (22/11/2017)
Dili. Iha segunda-feira (20/11/2017) Bankada Partido CNRT hato apresenta mosaun Censura hasoru kontra VII Governo Constitucional ho razaun katak, "Governo tuir lolos haruka ona segunda via programa mai debate tanba liu ona prazu trinta dias".

Hatan ba pergunta ida ne´e Pe. Julio Crispin, nudar jurista nebe hakerek no interpreta ba Constituição RDTL haktuir katak, "mosaun censura mos garante husi C-RDTL wainhira Governo la halo tuir programa, mak bele ható mosaun censura", defende Pe.Julio Crispin, Dosente Faculdade Direito Universidade Nacional Timor Loro sae ne´e ba programa 7 minutus TVTL (22/1172017).

Tuir observador politica husi Universidade da Paz, Venceslau Aleixo Tilman haktuir katak, "Oposisaun Maioria Parlamentar (OMP) oras ne´e duni tuir tempo, oinsa mak iha prazu ida fulan nem (6) konta husi Eleisaun Parlamentar (ELPAR) 22.07.2017 tó 22.01.2018 atu acelera VII Governo monu, nune obriga Presidente Republica (PR) kumpri C-RDTL hodi nomeia hikas VIII Governo Constitucional neébe hetan suporta husi OMP".

Haktuir tan Venceslau Aleixo Tilman, "se Governo dahitu la konsegue monu iha fulan rua nia laran (Novembro-Dezembro) 2017, tó janeiro tinan 2018, biban ba OMP atu kaer ukun ne´e posibilidade neé mihis los, tanba sira buka aselera liu husi mosaun censura, rekursu kontra Presidente Parlamento Nacional (PN), medidas sira ne´e hotu atu obriga Governo monu", defende Dosente Faculdade Direito Universidade da Paz ne´e.

Lideransa nacional husi Partido OMP nian, Kay Rala Xanana Gusmão, Presidente CNRT, Taur Matan Ruak, Presidente PLP no Naimori, Konseileiru Maximu KHUNTO, halao surumutu Tri Lateral iha Singapore foin dadaun ne´e, deklara katak, "husu PR atu  halao no kumpri C-RDTL (GMN TV, 21/11/2017)". 

terça-feira, 21 de novembro de 2017

Jose Reis: BAINHIRA HAU UKUN "ADEUS 'Conflito'', BAINHIRA HAU LA UKUN "BEMVINDO "Conflito"

Fonte Facebook: José Reis
(21.11.2017)
Dader diak,

Camaradas, timor oan tomak, imi sei lembra iha 2009 slogan bobot iha Dili laran "ADEUS CONFLITO, BENVINDO DESENVOLVIMENTO?!”

Los duni husi 2007 too 2017 ita moris iha paz no estabilidade laiha conflito iha povo nia leet.

Iha tempo neba se mak kaer ukun mak CNRT, lidera husi KRXG no FRETILIN hela iha opozisaun.

Bainhira FRETILIN hela iha oposição ladauk iha minuto ida halo manifestasaun ka kria paniku iha povo nia le’et hodi hatun Governo ida, pelu kontrariu apoia tan Governo nebe lidera husi CNRT mesak tanba tau interesse nasional atu hadia povo nia moris.

Camaradas, timor oan tomak sei lembra mos Iha 2001 FRETILIN manan iha eleicao geral ho maioria absoluta... laiha osan no laiha memoria institucional estado ida nian....

Maibe FRETILIN hari’i instituição estado no buka osan atu halo desenvolvimento ba rai no povo doben ida nee. Liu deit fulan nein FRETILIN ukun, PR iha tempu neba hateten " FULAN NE’EN (6) ONA FRETILIN UKUN POVO SEI KIAK". Hahu mos iha tempo neba cria espatativa boot iha povo nia leet no provoca manifestasaun oin-oin atu hatun Governo.

FRETILIN halo nafatin esforço tomak harii infraestrutura ba area oin oin iha territorio laran tomak... no iha rohan 2005 foin osan minarai hahu’u tama iha fundo petroleo.....

2006 crize boot mosu. Tanbasa? - eleição 2007 atu mai. Mesmo ho situação politica militar la favorece FRETILIN manan dala ida tan iha eleição 2007 ho maioria simples. Ho força maior FRETILIN obrigado (terpaksa) hela iha oposição tanba sentido de estado bo’ot.

2017 FRETILIN manan iha eleição ho maioria simples. Liu husi negociação naruk.... no tuir ba korredor constituição PR nomeia PM nunee VII Governo Constitucional hamriik.

VII Governo foin aprezenta deit ninia programa iha loron ida opozicao halo tiha ona MOÇÃO DE REJEIÇÃO" ba programa nee. Saida mak nee? - Atu provoca tan situação ho força maior ida!

Ba Camaradas sira atu halo reflexao ho conclusão slogan ida nee.

BAINHIRA HAU UKUN:
"Adeus conflito"
BAINHIRA HAU LA UKUN:
"Benvindo conflito"

Iha tan perguntas ba reflexão:

  • Timor-Leste nain mak ema ida deit ka povo tomak nian?
  • Ema ida deit mak sofre ba Rai ida nee ka povo hotu mak sofre ba rai ida nee?
  • Familia ida deit mak mate ba rai ida nee ka familia barak mak mate ba rai ida nee?


Fonte Facebook: José Reis
(21.11.2017)

Mosaun Rejeisaun Husi Opozisaun Parlamentu ba Programa VII Governo Teste Pratika Consituisaun RDTL

Mosaun Rejeisaun Husi Opozisaun Parlamentu ba Programa VII Governo Teste Pratika Consituisaun RDTL
(Artigo ida ne’e refere liu ba VII Governo Minoria Ne’ebé Mak Ukun)

Husi: Moisés Vicente

Moisés Vicente
Hare ba situasaun polítika rai laran nian, hafoin eleisaun Parlamentar no tama iha faze forma Governu da hituk (VII), República Democrátika de Timor-Leste hasoru tan dala ida situasaun krusial ne’ebé bolu ita tomak atu fó oin hodi buka lisuk solusaun ba, atu hamutuk tahan netik anin bo’ot ne’ebé hu hadulas dadaun ita. Fontes: Konferensia Imprensa Husi Junta das Organizações da Resistençia para a Defesa da Soberania Nasional, Balide, Sesta 27 de Outubru de 2017. Iha ita nia Lei-Inan Constituisaun República Democrática de Timor-Leste 2002 (C-RDTL) artigu 1 alinea 1. Repúblika Demokrátika Timór-Leste katak Estadu ida-ne’ebé demokrátiku, soberanu, ukun-an no ida-mesak, harii husi povu nia hakarak no iha respeitu ba dignidade ema moris ida-idak nian. Nomos iha artigu 2 alinea 1. Soberania haktuur metin iha povu, ne’ebé hala’o soberania ne’e tuir Lei-Inan haruka. Alinea 2. Estadu hakruuk ba Lei-Inan no lei-oan sira. Alinea 3. Lei-oan sira no hahalok seluk  tan husi Estadu no kbiit autoridade lokál sira-nian foin sai válidu wainhira sira la’o tuir duni Lei-Inan haruka.

Polémika programa VII Governo nian ne’ebé la passa iha Parlamentu Nasionál tuir lolós hanesan teste ida ba ita nia Constituisaun da RDTL, ne’e hatudu katak Governu ida la bele hari’i ho kadeira ne’ebé la to’o 50%+1 ou koligasaun minoria ida. Ezersísiu constitusionál hatudu ona husi Mosaun Rejeisaun ba programa VII Governu Parlamentu Nasional: 19 Outubru 2017 no hetan afavór 35 deputados no vota kontra 30 deputados, komesa dadaun dezafia kontinuidade Governo ida ne’e ninia ezisténsia. Mosaun Rejeisaun ne’ebé aprezenta hetan apoiu husi Oposisaun Maioria Parlamentar Deputadu 35 kadeiras nu’udar evidénsia forte kona-bá importansia Governu no Parlamentu maioria ida hodi apoia funsionamentu Governo ida nian ba tinan lima (5) nia laran. Tanba ne’e maka presiza tebes Governo ida tenke mai husi votu barak liu (50%+1) ou koligasaun ida ne’ebé maka maioria iha Parlamentu Nasionál atu vialibiliza Governasaun ida maka estável no forte ne’ebé hakerek ona iha artigo 106 constituisaun da RDTL esplika katak 1. Primeiru-Ministru hili husi partidu ida ne’ebé iha votu barak liu ka husi aliansa partidu sira-ne’ebé iha nia ema barak iha Parlamentu no iha nomeasaun hosi Prezidente-Repúblika, wainhira rona tiha partidu polítiku sira ne’ebé iha reprezentante sira iha Parlamentu Nasionál. 2. Membru Governu sira seluk, Prezidente-Repúblika mak sei hili liu husi Xefe-Ministru ou Primeiro Ministro nia proposta.

Mosaun Rejeisaun ne’ebé passa mós sai razaun forte atu alerta fó hanoin hikas ba ita nia Prezidente Repúblika katak, indijitasaun Primeiru Ministru hodi forma Governu Minoritáriu ne’e desizaun la prudente no la kuidadu, hodi nune’e Prezidente Repúblika ho konsiénsia tomak sakrifika ona Governu ida ne’e ba situasaun risku nia laran. VII Governu iha dalan leut, risku no bele monu. Maibé seidauk tarde atu viabiliza hikas, dalan mak hahú hikas komunikasaun no halo Lobby simultaneamente ho líder polítika partidu sira ne’ebé agora iha Oposisaun-Aliansa Maioria Parlamentár (O-AMP) hodi nune’e ba segundo ronde aprezentasaun programa bele passa. Komunikasaun ida ne’e la bele mai husi Prezidente Repúblika deit, maibé tenke inísia husi líder partidu Governo nian hodi viabiliza sira nia governasaun. Hafoin Bloku Partidos Maioria Parlamentár submete no vota afavór ba mosaun rejeisaun ba VII Governu nia programa, espekulasaun no ejijénsia militante sira husi Partidu FRETILIN maka hakarak halo eleisaun antesipada.

Husi sorin seluk, Sekretariu Jeral Partidu FRETILIN, Dr. Mari Alkatiri hakarak halo referendum ba programa Governu nian no nia rasik jura no deklara katak sei la fila ba Parlamentu Nasionál atu aprezenta programa ba daruak nian. Artigo 109 constituisaun da RDTL apresiasaun ba Governu nia Programa) 1. Programa Governu nian sei hato’o ba Parlamentu Nasionál atu hetan apresiasaun, no Parlamentu la funsionál karik, tenki konvida ka konvoka sira ba asuntu ida-ne'e. 2. Debate programa Governu nian labele liu loron lima, no to’o remata, grupu ida-idak iha Parlamentu bele husu atu la simu, eh Governu bele husu votu konfiansa ida. 3. Atu la simu programa Governu nian, tenke iha apoiu mai husi maioria deputadu husi sira- ne’ebé sei hala’o hela knaar. (A rejeição do programa do Governo exige a maioria absoluta dos Deputados em efectividade de funcoes). Tenik maun Xanana Gusmão hodi hatutan, “Se’e governo monu ka governo sa’e, ne’e laos problema paz no estabilidade nian. Ida ne’e problema konstituisaun ninian. Ida ne’e problema demokrasia ninian.” “Governo monu ne’e problema Konstituisaun” Fontes: Nitizen jurnalizm/Grupo Media Nacional TV-GMNTV). Tuir pesoal hakerek na’in nia hanoin ita hotu atu konkorda malu atu la konkorda malu tuir constitusaun, maibé la’os atu inimigu ba malu no paz malu ba.

Antes fó conclui hakerek na’in foti hanoin balu husi Pe. Julio Crispin Ximenes Belo nia idea dehan kona-bá Eleição Antecipada katak, wainhira relaciona ho situação actual República Democrática de Timor-Leste nian, ita bele concidera nudar hipótese ida ho probabilidade suficiente, tanba molok to’o ba decreta Eleisaun Antisipada, Presidente República sei halo exercício constitucional lubuk ida, (1) halo uluk demissão ba VII governo, quando segunda apreciação ba programa governo la passa iha PN tan dala ida [art. 112.º (d) conjuga ho art. 86.º (g)]; (2) Rona tiha partido político sira ne’ebé hetan assento iha Parlamento Nasional (Governo monu, oposição mos remata, hela de’it bancada parlamentar sira) hodi hahu processo formação VIII governo, ne’ebé tem que hahu nafatin ho critério principal rua no critério determinante ida ne’ebé consagrado iha art. 106.º (n.º 1, 1.ª parte) KRDTL (katak indigita PM sei la liu husi artigo seluk, liu nafatin husi art. 106.º); mak iha loron 60 nia laran, la consegue forma VIII governo, PR Dissolve (bubarkan) PN [art. 86.º (f) conjuga ho art. 100.º KDRTL]. (3) Dissolve tiha PN, mak PR decreta Eleisaun Antisipada hodi aplica regras eleição nian (observa art. 65.º conjuga ho art. 7 KDRTL hodi cumpre art. 2.º n.º 1 no art. 1.º n.º 1 KRDTL) estipulado iha lei eleição parlamentar nian. Nunee halo eleição anticipada, la’os solução diak (kaer ba princípio menus malum) maibé solução ikus (kaer ba princípio último ratio) hodi tane aas nafatin regras democráticas tuir KRDTL.

*Artigo ida ne’e larepresenta institusaun ne’ebé hakerek na’in haknar ba, maibé idea no argumentu sira ne’ebé lekar iha artigu ne’e nudar opinião pesoál. Hakerek Na’in Alumni Faculdade de Direito, Universidade da Paz, Díli, (2008). Iha sujestaun ruma bele haruka iha e-mail: moisesvicente.mahein@gmail.com.